मध्यरातमा सुरक्षागार्डलाई गोली प्रहार
गौतम श्रेष्ठ
९ माघ, रौतहट । रौतहटको राम सुगर मिल्सका सुरक्षा गार्ड माथि बिहीबार राति गोली प्रहार भएको छ ।
९ माघ, रौतहट । रौतहटको राम सुगर मिल्सका सुरक्षा गार्ड माथि बिहीबार राति गोली प्रहार भएको छ ।
राति साढे १२ बजे चिनी मिलको सुरक्षामा खटिएका निजी सुरक्षा कम्पनीका सुरक्षा गार्ड पुण्यप्रसाद पौडेललाई अपरिचित समूहले गोली प्रहार गरी भागेको प्रहरीले जनाएको छ । डिस्टीलरी प्लान्ट नजिकै ड्यूटिमा खटिएका पौडेललाई चार पाँच जनाको समूहमा आएका व्यक्तिहरुले गोली प्रहार गरेका थिए ।
शरीरको दाहिनेतर्फ हात र छातीमा भरुवा बन्दुकको गोलीको छर्रा लागेके पौडेललाई उपचारका लागी जिल्ला अस्पताल गौरमा ल्याइए पनि अत्याधिक रक्तश्राव भएका कारण प्राथमिक उपचार पछि थप उपचारका लागी नारायणी उपक्षेत्रीय अस्पताल वीरगंज पठाइएको सशस्त्र प्रहरी उपरीक्षक विदुर खडकाले बताए ।