हिमानीले आज थाइल्यान्ड जेलमा पारसलाई भेट्ने
काठमाडौं,फागुन ५ – पूर्वयुवराज्ञी हिमानीले आज थाइल्यान्डमा आफ्ना पति पूर्वयुवराज पारसलाई स्थानीय उदुङखानी जेलमा गएर भेट्ने भएकी छन् ।बिहीबार स्वकीय सचिव स्मिता सिंहका साथ थाइल्यान्ड पुगेकी
उनका साथमा निजी सचिव सिंह, धीरेन्द्रपुत्री सिताष्मा, वकिल साक्छाई र केही नेपालीलेसमते सँगै भेट गर्ने बताइएको छ । पूर्वरानी कोमलको पर्सि फागुन ७ गतेको जन्मदिन मनाउन उनी नेपाल आइपुग्नेछिन् । स्रोतका अनुसार जमानत फिर्ता लिएर निजी वकिल साक्छाईलाई परिवारले मिलाएपछि उनी समेत पारसलाई भेट्न गएकी हुन् ।
थाइल्यान्डस्थित नेपाली दुतावासको पत्रसहित नेपाली टोली उदुङखानी कारागार जान लागेको हो । दूतावासको आधिकारिक पत्र भएमा लामो समयसम्म भेट गर्न दिने व्यवस्था भएपछि थाइल्यान्ड पुगेको टोलीले दूतावासको पत्रसहित पारसलाई भेट्न लागेको हो । परिवारले आफूलाई अन्याय गरेको भन्दै पारसले गुनासो गरेपछि हिमानी उनलाई भेट्न थाइल्यान्ड पुगेकी हुन् ।आजको समाचारपत्र दैनिकमा खबर छ ।