तीन बालिकालार्इ बलात्कार गरेको आरोपमा सशस्त्र प्रहरीका हवल्दार पक्राउ
काँकडभिट्टा (झापा), वैशाख १९ - झापाको काँकडभिट्टामा तीन बालिकालाई बलात्कार गर्ने सशस्त्र प्रहरीका हवल्दारलाई इलाका प्रहरी कार्यालय काँकडभिट्टाले पक्राउ गरेको छ ।
पाडाजुँगीस्थित सशस्त्र पाथीभरा गणमा कार्यरत सशस्त्र प्रहरीका हवल्दार सन्दीप थपलियालाई मेचीनगर–१०
थपलियाले घरमा कोही नभएका बेला ललाइफकाई गरेर उनीहरुलाई बलात्कार गर्ने गरेको प्रहरी नायब उपरीक्षक तिम्सिनाको भनार्इ छ । थपलियाले फागुन महिनादेखि नै छिमेकमा रहेका बालिकालाई बलात्कार गर्ने गरेको कुरा अनुसन्धानका क्रममा खुलेको प्रहरीले जनाएको छ ।
पीडित बालिकाको मेची अञ्चल अस्पतालमा जाँच गरिएको प्रहरीले जनाएको छ । पीडितले दिएको जाहेरीका आधारमा प्रहरीले थपलियालाई पक्राउ गरी कानुनी कारबाही प्रक्रिया अघि बढाएको छ ।
स्थानीय महिला नेत्रीको अगुवाइमा शनिबार काँकडभिट्टामा बलात्कारीलाई कडाभन्दा कडा कानूनी कारबाहीको माग गर्दै विरोध पदयात्रासमेत भएको छ । काँकडभिट्टास्थित हनुमान मन्दिरबाट ‘बाल अधिकारको संरक्षण गर, हत्या हिंसा बन्द गर, बलात्कारीलाई कारबाही गर’ भन्ने नारासहित निस्किएको पदयात्रा बजार परिक्रमा गरी इलाका प्रहरी कार्यालय अगाडि आएर कोणसभामा परिणत भएको थियो । रासस