काठमाडौं: क्रुर हत्याको लागि आइएस आतंककारी समुहको नाम अग्र स्थानमा पर्दछ ।  केही महिना अघि सोही समुहले एक युद्ध विमान चालकलाई फलामे पिंजडामा थुनेर आगो लगाई हत्या गरेपछि विश्वभरबाट आलोचित भएको थियो । 

 

विरोध र आलोचनाको कुनै परवाह नगर्ने सो समुहले फेरिपनि एक समुहको क्रुर हत्या गरेको भिडियो सार्वजनिक गरेको छ । इस्लामिक स्टेटको माग राख्दै आतंक मच्चाइरहेको सो समुहले हालै इराकमा ५ जनालाई पिंजडामा राखेर जिउदै पोखरीमा डुबाएर हत्या गरेको डेलिमेलले लेखेको छ ।  
 

जासुसी गरेको आरोपमा उनिहरुको हत्या गरिएको बताइएको छ । पानीको मुल्य महंगो सो स्थानमा आधुनिक क्यामराले रेकर्ड गरिएको भिडियो आइएसले सार्बजनिक गरेको हो ।