जापानमा एक नेपाली विद्यार्थीको मृत्यु
टोकियो । काठमाण्डौ स्थित न्यू भिजन इन्टरनेश्नल कन्सल्ट्यान्सी बानेश्वरबाट अप्रिल १४ मा अध्ययनका लागि जापान आएका भिम बहादुर कटवालको आईतवार राती मृत्यु भएको छ ।
दिउँसो फुटवल खेलेर फर्किएपछि साथीहरुसंग हिगासी मुरायामामा रहेको कोठामा ९:३० बजे खाना खादै गर्दा अचानक बोलचाल बन्द भएपछि नेशनल डिफेन्स मेडिकल कलेज अस्पताल लगिएको थियो ।
अस्पतालले आईतवार राती नै मृत्यु भएको पुष्टि गरेको थियो ।
रोग वा अन्य कुन कारणले मृत्यु भएको अस्पतालले जानकारी गराई नसकेको कटवालसंग बस्दै आएका रविन तामाङ्ले नेपाल सन्देशलाई बताए ।
धनकुटा घर भएका कटवाल निसी टोक्यो इन्टरनेश्नल स्कुलमा भाषा अध्ययन गर्दै आएका थिए ।
कटवालसगै बस्दै आएका रविन तामाङ्ले जापानबासी नेपालीहरुसंग सहयोगको लागि अनुरोध गरेको छ ।
भाषाको जटिलता साथै जापान बारे त्यति धेरै जानकारी नभएकोले जापानका संघ सस्थाहरुलाई सहयोग गर्न अनुरोध गरेको हो ।