News » कार दूर्घटनामा नेपाली कांग्रेसका युवा नेता गम्भिर घाईते

भक्तपुर, माघ ५ – नेपाली काँग्रेस भक्तपुर जिल्ला सदस्य, नेपाल विद्यार्थी संघका पूर्व केन्द्रीय सदस्य तथा भक्तपुरका कान्छा नेताका रुपमा चिनिने युवा नेता रोशन पौडेल दुर्घटनामा परि गम्भिर घाईते भएका छन् ।

गएराती आफैले चलाएको बा. ३ च. ४६१८ नम्बरको कार घर नजिकै पुगेपछि दुर्घटना हुदाँ नेता पौडेल घाईते भएका हुन् । सानै उमेरदेखि नेपाली काँग्रेसको राजनीतिमा प्रवेश गरेका पौडेल २०६२/०६३ को जनआन्दोलनमा शसक्त भूमिका निर्वाह गरेका थिए भने आन्दोलन कै क्रममा पटक पटक जेल परेको थिए । घाइते पौडेललाई भेटन् नेपाली काँग्रेसका बरिष्ट नेता एवं पूर्व प्रधानमन्त्री शेरबहादुर देउवा, उपप्रधान तथा स्थानीय विकास मन्त्री प्रकाशमान सिंह, सिंचाई मन्त्री एन.पी. साउद, भौतिक पूर्वाधार तथा यातायात मन्त्री विमलेन्द्र निधी, नेपाली काँग्रेसका केन्द्रीय नेताहरु बालकृष्ण खाँड, उद्यशमसेर राणा , एमाले केन्द्रीय सदस्य एवं विद्यार्थी नेतृ रामकुमारी झाक्री लगायत दुईदर्जन भन्दा बढी काँग्रेसका सांसदले अस्पताल पुगेर पौडेलको स्वास्थ्य अबस्थाबारे जानकारी लिएका छन् । स्थानीयले आधा घण्टा लगाएर गरेको उद्धार पछि पौडेलको मध्यपुर ठिमी स्थित मध्यपुर अस्पतालमा उपचार भईरहेको छ ।