झापा, माघ ४ – पूर्व–पश्चिम राजमार्गअन्तर्गत झापाको विर्तामोड नगरपालिका–१ स्थित चारपाने सडकखण्डमा ट्रकको ठक्करबाट एक वृद्धको मृत्यु भएको छ ।मृत्यु हुनेमा सोही ठाउँ निवासी ४० वर्षीय चन्द्र रिजाल रहेको जिल्ला ट्राफिक प्रहरी कार्यालय झापाले जनाएको छ । उनलाई गएराति भारतीय नम्बर प्लेटको आरजे ०७ जिवी ८११८ नम्बरको ट्रकले ठक्कर दिएको बताइएको छ । ट्रकको ठक्करबाट गम्भीर घाइते बनेका रिजालको उपचारका क्रममा आज धरानस्थित बिपी कोइराला स्वास्थ्य विज्ञान प्रतिष्ठानमा मृत्यु भएको जिल्ला ट्राफिक प्रहरी कार्यालय झापाका प्रहरी हवल्दार याम खड्काले जानकारी दिए । यसैबीच, विर्तामोड–केचना सहायक राजमार्गअन्तर्गत झापाको भद्रपुर–६ स्थित भानुचोकमा शनिबार भएको सवारी दुर्घटनामा परी घाइते भएका बनियानी–६ निवासी ५० वर्षीय रामसुगारत मण्डल ९गोपाल० को आज बिहान मृत्यु भएको जिल्ला प्रहरी कार्यालय झापाले जनाएको छ । मण्डललाई मे १ ख ४२३ नम्बरको यात्रुबाहक बसले सडक पार गर्ने क्रममा ठक्कर दिएको र उपचारका क्रममा भारतको सिलगढी लगिए पनि उनको उपचारका क्रममा आज मृत्यु भएको प्रहरीले जनाएको छ । रासस
झापामा बेग्लाबेग्लै सवारी दुर्घटनामा दुई जनाको मृत्यु
