पीडित युवतीका अनुसार, घटना सोमबार रातिको हो । दिउँसो म्यानपावरको कार्यालयमा चिया बनाउने उनलाई केही दिन यता श्रीमती बिरामी भएको भन्दै राति घरमा लैजाँदै आएका थिए । तर, सोमबार राति साँढे ९ बजेतिर आफूमाथि काठमाडौँको हेपाली हाइटस्थित घरमा एक्कासी जबर्जस्ती गरेको उनले बताइन् । कार्यालयबाट फकाएर घरमा लगेर उनले जबर्जस्ती गरेको पीडितले दैनिक नेपालसँग बताइन् ।
‘घरको बैठक कोठामै मेरो सुत्ने बेड थियो । ऊ त्यहीँ सोफामा बसेर रक्सी खाँदै थियो । म टिभी हेरिरहेको थिएँ । ममाथि एक्कासी झम्टियो । झण्डै डेढघण्टासम्म चिच्याउँदा पनि मेरो आवाज सुनिदिने कोही भएन् ।’ पीडित प्रतिमाले भनिन् ।
भोलिपल्ट बिहान ४ बजे नै घरबाट भागेर आफू श्रीमान सानो कान्छा लामालाई भेट्न नख्खुस्थित डेरामा पुगेको उनले बताइन् । ‘सुरुमा त श्रीमानलाई कसरी सुनाउने भन्ने डर लागेको थियो । उहाँले फकाएर सम्झाएपछि मात्र भन्ने आत्मबल आयो ।,’ उनले भनिन्, ‘कसैलाई भनिस् भने तँ र तेरो श्रीमानलाई पनि मारिदिन्छु भनेर उसले धम्की दिएको थियो ।’
श्रीमानकै सल्लाहमा बिहीबार बुधबार प्रहरीमा पीडितले महाराजगन्ज प्रहरीमा उजुरी दिएकी छिन् । प्रहरीले भोलिपल्टै पक्राउ गरी थेबेलाई हिरासतमा राखेको छ । ‘मेरो मेडिकल चेकअप भएको छ, प्रहरीले आराम गर्न भनेकाले घरमै छु ।’– उनले भनिन् ।
प्रतिमाका अनुसार, एकबर्ष पनि उनले एक महिना थेबेको कार्यालयमा चिया पकाउने काम गरेकी थिइन् । ‘बिहे भएपछि मैले काम छाडेको थिएँ । उसैले बोलाएपछि काम गर्न गएको हो । यसपटक काम गर्न दुई दिन मात्रै भएको थियो ।,’ उनले भनिन्, ‘त्यतिबेला उसको घरमा आमाबुवा पनि थिए । त्यसैले कही फरक पर्दैन होला भनेर काम गर्न गएँ ।, तर, उसले ममाथि आँखा लगाएको रहेछ ।
ताप्लेजुङ सिनाम स्थायी घर भएका थेबेले काठमाडौँमा सिलिङ म्यानपावर र इन्टरबिजनेश फाइनान्स पनि चलाउँदै आएका छन् । उनकी श्रीमती र चार बर्षीया एक छोरी छन् ।
महाराजगन्जका डीएसपी सानुराम भट्टराई एक हप्ताको म्याद थपेर हिरासतमा राखिएको जानकारी दिए । जबर्जस्ती करणी उद्योगमा प्रहरीले थेबेमाथि मुद्दा चलाएको छ ।