तीनकुनेको सवारी दुर्घटनामा श्रीमतीको मृत्यु, श्रीमान घाइते
१९ फागुन, काठमाडौं । काठमाडौंको तीनकुनेमा मंगलबार साँझ भएको सवारीमा हिरा लामाको मृत्यु भएको छ । दुर्घटनामा उनका श्रीमान घाइते भएका छन् ।
ना २ ख २७३५ नम्बरको डिजेल बोक्ने ट्यांकरले बा ५२ प ५८३४ नम्बरको मोटरसाइकललाई ठक्कर दिएको प्रहरीले जनाएको छ । दुर्घटनामा मोटरसाइकलको पछाडि बसेकी काभ्रेकी लामाको मृत्यु भएको छ ।
दुर्घटनामा चालक गणेशबहादुर लामा घाइते भएका छन् । उनको उपचारका लागि शिक्षण अस्पताल लगिएको छ ।
