भयानक दुर्घटना टर्यो , टर्किस एयरको जहाज घाँसे मैदानमा आपतकालिन अवतरण
काठमाडौं : टर्कीको इस्तानबुलबाट आएको टर्किस एयरलाइन्सको जहाज त्रिभुवन विमानस्थलमा बुधबार बिहान आपतकालिन अवतरण गराइएको छ। जिरो भिजीबिलिटीमा अापतकालीन अवतरण गर्दा जहाज रन वे छोडेर नेपाल अायल निगमको ट्यांकी नजिकै अडिएको छ।
अहिलेसम्म पनि जहाजलाई रन वे मा लैजान सकिएको छैन।टर्कीको इस्तानबुलबाट आएको टर्किस एयरलाइन्सको जहाज त्रिभुवन विमानस्थलमा आपतकालिन अवतरण गराइएको थियो।
आपतकालिन अवतरणलगत्तै विमानको इमरजेन्सी ढोका खोलेर सबै यात्रुलाई बाहिर निकालिएको छ । यात्रुहरुकाे भागदौड चलेको थियो।
विमान घाँसे मैदानमा आपतकालिन अवतरण गराइएपनि चालक दलका सदस्य र यात्रु सबै सुरक्षित छन् । अहिले विमानस्थलमा आउने जाने सबै उडान बन्द गरिएको छ। तनावपूर्ण अवस्था छ।
रन वे छाडेर घाँसे मैदानमा जहाज आपतकालिन अवतरण गराइनुको कारण खुलिसकेको छैन ।