काठमाडौं : काठमाडौंको स्वयम्भूस्थित मुस्ताङ गुम्बामा जुवा खेलिरहेको अवस्थामा ३० जना जुवाडेलाई लाखौं रुपैयाँसहित प्रहरीले आइतबार पक्राउ गरेको छ ।

महानगरीय अपराध महाशाखा हनुमान ढोकाको टोलीले जुवाको खालबाट ३० जनालाई १२ लाख १२ हजार तीन सय ७० रुपैयाँ नगदसहित पक्राउ गरेको हो ।

आइतबार अपरान्ह ५ बजे छापा हानेर प्रहरीले जुवाको खालबाट ६ जना महिलासहित ३० जनालाई पक्राउ गरेको हो ।

जुवाका चारवाट खाल बनाई क्यासिनोजस्तै जुवा खेलाइरुहेको अवस्थामा सो रकम, १७ बुक तास, १७ सय ५० थान मझ्वाङको गोटीसहित उनीहरुलाई पक्राउ गरिएको महाशाखाले जनाएको छ ।

पक्राउ पर्नेहरु अधिकांश काठमाडौं र ललितपुर निवासी रहेका छन् । पक्राउ पर्नेहरुमा वाङगेल नोर्डन, सुनिला घिमिरे, डोल्मा भन्ने लाक्पा गुरुङ, तेन्जिङ वान्सी, केसाङ वाङज्याल, आई लामा भन्ने थुप्तेन, छ्योदक लामा र  लामाछ्याप्पा लामासहित ३० जना रहेका छन् ।