हलिउड नायिका मिचेल नेपाल आउँदै
बिहिबारबाट काठमाण्डौमा सुरु हुन लागेको ‘अन्तरराष्ट्रिय अटोमोबाइल महासंघ’ अन्र्तगतको एफआई एसिया क्षेत्रीय खेलकुद कंग्रेसको कार्यक्रममा सहभागी हुन हलिउड नायिका मिचेल योह आज नेपाल आउन लागेकी छिन् ।
एफआइएले संयुक्त राष्ट्रसंघको अन्र्तगत रहेर काम गर्दछ । मिचेल ‘ग्लोबल सुरक्षा सडक’को सद्भावनान दुत हुन् । यसैले पनि उनी नेपाल आउन लागेकी हुन् । २ बजेबाट सुरु हुने उद्घाटन कार्यक्रममा उनी सहभागी हुनेछिन् ।
बिहिबार नेपाल आउन लागेकी मिचेल शनिबार फर्कनेछिन् । एफआइका अध्यक्ष रहेका जिन टोड मिचेलका पति भएकाले पनि उनी नेपाल आउन संभव भएको हो । मलेसियामा जन्मिएकी मिचेलले सन् १९९० मा हङकङमा ज्याक्की च्यानसँग चलचित्र खेलेर चर्चा बटुलेकी थिइन् ।
उनले हलिउड चलचित्रमा भने सन् १९९७ मा जेम्स बन्डको चलचित्र ‘टुमरो नेभर डाइज’मा अभिनय गरेकी थिइन् । यसपछि उनको चर्चा हलिउडमा पनि बढ्न थालेको थियो । मिचेलले शुक्रबार माउन्टेन फ्लाइट गर्नेछिन् । सन् २००९ मा पिपुल्स म्यागेजिनले सार्वजनिक गरेको ‘स्त्रिmन सुन्दरी’को सूचीमा एसियाबाट मिचेल मात्र परेकी थिइन् ।