प्रचण्ड पुत्री रेणु दाहालले राहत गायव पारेको भन्दै भारतीय टोली काठमाडौँमा
काठमाडौँ, २३ वैशाख ।
गोरखाका भूकम्पपीडितका लागि भारतले पठाएको राहत सामग्री एकीकृत नेकपा माओवादीका अध्यक्ष पुष्पकमल दाहाल प्रचण्डको छोरी रेणु दाहालको निर्देशनमा काठमाडौँमा गायव पारिएको भन्दै भारतबाट सामान खोजीको लागि टोली काठमाडौँ आइपुगेको छ । आइतबार सप्तरीको भारदहमा एमाओवादीले भारतबाट आएको राहत गोरखा नपुगेपछि राहत पठाउनेहरु खोजीका लागि काठमाडौँ आइपुगेका हुन् ।
गोरखाका भूकम्पपीडितका लागि भारतले पठाएको राहत सामग्री एकीकृत नेकपा माओवादीका अध्यक्ष पुष्पकमल दाहाल प्रचण्डको छोरी रेणु दाहालको निर्देशनमा काठमाडौँमा गायव पारिएको भन्दै भारतबाट सामान खोजीको लागि टोली काठमाडौँ आइपुगेको छ । आइतबार सप्तरीको भारदहमा एमाओवादीले भारतबाट आएको राहत गोरखा नपुगेपछि राहत पठाउनेहरु खोजीका लागि काठमाडौँ आइपुगेका हुन् ।
राहत फिर्ताको पहलका लागि आएका टोलीका सदस्यलाई केही आर्थिक लिएर विषय सल्टाउन प्रस्ताव आएको बताइएको छ । टोलीका एक सदस्यले भने, ‘हामीलाई आजै १० बजे बोलाएका थिए तर अहिलेसम्म छलफल भइसकेको छैन ।’ उनीहरुले बिहान १० बजे भेट्ने भने पनि दिउँसो साढे १ बजेसम्म फोनमा मात्र वार्ता भइरहेको छ । भारतबाट आएको राहत यसरी बाटोमै गायव पारिएको यो पहिलो घटना हो । एमाओवादीका दुई बलशाली नेता डा. बाबुराम भट्टराई र नारायणकाजी श्रेष्ठको गृहजिल्लाका लागि एउटा सामाजिक संस्थाले पठाएको राहत पार्टी अध्यक्षकै परिवारका सदस्यबाट गायव पारिएको घटना राम्रो होइन । यसले एमाओवादीलाई विवादमा ल्याएको छ भने वास्तविक पीडितलाई राहत नपुग्ने पनि देखिएको छ ।