News » भूकम्पपछि वेपत्ता पत्रकार बम्जन मृत भेटिए

काठमाडौं : गत शनिबारको विनाशकारी भूकम्पपछि वेपत्ता भएका पत्रकार सुमन बम्जनको शव भेटिएको छ । शनिबार बिहान ११ बजे महाबौद्धस्थित तीनवटा घरले पुरेको अवस्थामा उद्धारकर्मीले पत्रकार बम्जनको शव निकालेका हुन् ।

गोरखापत्र दैनिकका खेल पत्रकार बम्जनलार्इ प्युखास्थित डेरामा फर्कने क्रममा भूकम्पका क्रममा ढलेका घरले पुरेको थियो । बम्जन खेलकुद पत्रकार मञ्च मकवानपुर समन्वय समितिका अध्यक्षसमेत थिए ।

बम्जनले मकवानपुरबाट काठमाडौं आएर नेपाल एफएमबाट पत्रकारिता थालेका थिए । उनी चार वर्षअघिबाट गोरखा पत्र दैनिकमा ४ वर्षदेखि खेल पत्रकारका रुपमा कार्यरत थिए ।

भग्नावशेषबाट निकालिएको बम्जनको शव अन्तिम संस्कारका लागि शनिबारै उनको गृहजिल्ला मकवानपुर लाने तयारी गरिएको छ ।

सोर्स-अन्नपुर्ण पोस्ट्