कानपुर । भारतको देहात जिल्लामा एक बेहुली बिहेको दोस्रो दिनमै सुत्केरी भएकी छन् । बिहेको दुई दिनपछि नै उनले छोरी जन्माएपछि उक्त जिल्लाको डेरापुर इलाकाभर सनसनी फैलियो । गाउँ पञ्चायतले तुरुन्तै बेहुली पक्षलाई बोलाएर बिहे रद्द गरिदियो । दाइजोमा आएका सामान र बेहुली फिर्ता पठाइदियो । समाचारहरुमा बताइए अनुसार उनीहरुको विवाह ३१ मे मा भएको थियो । बिहेको भोलिपल्टै २० वर्षीया बेहुलीले आफ्नो पेट दुखेको बताएकी थिइन् । तेस्रो दिन अस्पताल लैजाँदै गर्दा बाटैमा उनी सुत्केरी भएकी थिइन् । नवविवाहित श्रीमतीले दुई दिनमै चमत्कार गरेपछि बेहुला बेहोस भएका थिए ।