घरमा कोही नभएको अवस्थामा झुन्डिएर आत्महत्या
लहान, फागुन ५ – सिरहाको मिर्चैया नगरपालिकामा गएराति एक युवतीले झुन्डिएर आत्महत्या गरेकी छन् । घरमा कोही नभएको अवस्थामा राति करिब ९ बजे मिर्चैया नगरपालिका १० निवासी गणेशलाल साहकी श्रीमती २८ वर्षीया जमुना साहले आफ्नै घरको भ¥याङमाथि झुन्डिएर आत्महत्या गरेकी हुन् । पासो लगाई झुन्डिएर आत्महत्या गरेको इलाका प्रहरी कार्यालय मिर्चैयाका प्रहरी निरीक्षक हरि खतिवडाले जानकारी दिए । शवपरीक्षणका लागि जिल्ला अस्पताल सिरहा पठाउने तयारी भइरहेको र घटनाबारे थप अनुसन्धान भइरहेको प्रहरी निरीक्षक खतिवडाले बताए ।