विमानस्थलमा विस्फोट, दुई युवतीको ज्यान गयो
मिडिया एनपी, काठमाडौं । अफ्गानिस्तानको राजनधानी काबुलस्थित एक विमानस्थलमा शक्तिशाली बम विस्फोट हुँदा दुई युवतीको ज्यान गएको छ भने अन्य केही घाइते भएका छन् । आफ्गानी प्रहरीका अनुसार विमानस्थलमा गरिएको उक्त आत्मघाती आक्रमणमा एक विदेशी सैनिक बहानको प्रयोग गरिएको थियो । प्रहरीले घटनामा मारिनेहरुको संख्या बढ्न सक्ने जानकारी दिएको बिबिसिले उल्लेख गरेको छ ।
यस्तै उक्त आक्रमणको अहिले सम्म कसैले पनि जिम्मेवारी लिएको छैन । उक्त आक्रमणबाट तीनवटा सवारी साधनमा क्षति पुगेको अफगानी गृहमन्त्रालयका प्रवक्ता नजिब दानिसले जानकारी दिएका छन् । विमानस्थलमा गर्ने आत्मघाती आक्रमणकारीले नेटोको सैनिक बहानलाई लक्षित गरी आक्रमण गरेको देखिएको अफ्गानी प्रहरी प्रवक्ताले रोयटर्सलाई बताएको भन्दै बिबिसिले आफ्नो समाचारमा उल्लेख गरेको छ ।तीन दिनअघि काबुलकै एक गेस्ट हाउसमा भएको आक्रमणमा १४ जना मारिएका थिए ।