‘गैडा’को ‘चकलेट’ कस्तो बन्यो ?
निर्मल शर्मा ‘गैडा’ले निर्देशन गरेको चलचित्र ‘चकलेट’को ट्रेलर र गीत सार्वजनिक गरिएको छ । आज काठमाण्डौको कुमारी हलमा आयोजना गरिएको कार्यक्रममा चलचित्रको पहिलो अनुहार सार्वजनिक गरिएको हो ।
सडक बालबालिकाको कथामा आधारित यो चलचित्रमा पूजना स्त्रि, आयुष्मान घिमिरे, नम्रता झा, सुमन गैरे लगायतका कलाकारको अभिनय छ । 
ट्रेलर सार्वजनिक कार्यक्रममा नायिका स्त्रि, कलाकारहरु दीपाश्री निरौला, दिपकराज गिरी पुगेका थिए । कार्यक्रममा बोल्दै निर्देशक निर्मल शर्माले आफूले यो चलचित्रमा मिहिनेत गरेकाले दर्शकलाई हेरिदिन आग्रह गरेका थिए ।
नायिका पूजना स्त्रिले १४ बर्षको उमेरमा आफूलाई निर्माता छविराज ओझाले पहिलो पटक पर्दामा अभिनय गराएको भन्दै ‘चकलेट’बाट निर्मल शर्माले आफूलाई नयाँ ढंगले देखाएको बताइन् ।
नायिका पूजना स्त्रिले १४ बर्षको उमेरमा आफूलाई निर्माता छविराज ओझाले पहिलो पटक पर्दामा अभिनय गराएको भन्दै ‘चकलेट’बाट निर्मल शर्माले आफूलाई नयाँ ढंगले देखाएको बताइन् ।
चलचित्रको प्रदर्शन मिति तय भएको छैन । यो चलचित्रलाई नायिका स्त्रिले नै प्रस्तुत गरेकी हुन् ।