आगो निभ्यो, आँशु रोकिएन 

 

ताप्लेजुङ : आगो निभाउन दमकल पुग्दा ताप्लेजुङको फुङलिङ बजार लगभग खरानी भइसकेको थियो । ताप्लेजुङको फुङलिङ बजारमा सोमबार राती भीषण आगलागी भयो। इलामबाट झन्डै पाँच घन्टापछि दमकल पुग्दा बजार खरानी भएको थियो भने बस्तीमा रुँवाबासी र भागदौड जारी थियो। झापाबाट हिडेको दमकल त बिहानपख मात्रै फुङलिङ पुग्यो। दमकल पुग्दा स्थानीय तथा सुरक्षाकर्मीले अनेक प्रयास गरेर आगोलाई नियन्त्रणमा लिएका थिए। त्यस क्रममा केही घर भत्काउनु पनि पर्‍यो।आगो निभाउँदै सुरक्षााकर्मी र स्थानइलामबाट हिडेको दमकल पनि पाँचघन्टापछि मात्रै फुङलिङ पुगे पनि आगो पुरै निभाउन सकेन। झापाबाट दमकल आएपछि मात्रै मुस्लो नियन्त्रणमा लिने काम संभव भयो। हावा चलेकोले आगलागी नियन्त्रण गर्न दुईवटा दमकललाई निकै गाह्रो भइरहेको छ। काठका ठुटामा गहिरोसँग खरानी पुरिएर बसेकोले हावाले खरानी उडाउना साथ दनदनी सल्किने गरेको छ। ताप्लेजुङमा दमकल नभएका कारण ताप्लेजुङको प्रमुख ब्यापारिक केन्द्र तोक्मेवजार पुरै ध्वस्त भइसके पछि मात्र ताप्लेजुङवासीले दमकलको अनुहार देखेका थिए।

ताप्लेजुङको फुङलिङ बजारमा साेमबार बेलुका दन्किएको आगो
 

आगलागीवाट ३५ घरहरु ध्वस्त भएका छन् भने आगो नियन्त्रण गर्न आधा दर्जन घरहरु भत्काइएका छन्। आगलागीवाट जिल्ला विकास समिती,नेपाल पत्रकार महाँसंघ,हिमाली संरक्षण मञ्च लगायतका कार्यालयहरु समेत जलेर ध्वस्त भएका छन् । 

 

आगलागीले  घरबारविहिन भएका ताप्लेजुङवासीमा अहिले पनि रुवावासी जारी छ। झुण्ड झुण्ड परेर खुला आकासमुनी वसिरहेका आगलागी पिडितहरु समयमै आगो नियन्त्रण गर्न नसकेको भन्दै सरकार प्रति आक्रोश पोखिरहेका छन्।

सोमबार बेलुकादेखि लागेको भिषण आगो निभाउन बिहान पुगेको दमकल 
 

आगलागीको क्षती विवरण संकलन र पीडितलाई राहत उपलव्ध गराउने लगायतका कामहरु सुरु गरिएको प्रमुख जिल्ला अधिकारी डमरु प्रसाद निरौलाले जानकारी दिए। उनका अनुसार जिल्ला दैवी प्रकोप उद्धार समिति,उद्योग वाणिज्य संघ र रेडक्रसका पदाधिकारीहरु आगलागीको क्षती विवरण संकलन र पिडितको सहयोगार्थ खटिएका छन्। सदरमुकामकै सबैभन्दा बाक्लो वस्ती भएको तोक्मे क्षेत्रका प्रत्येक घरमा पसलहरु भएकोले पनि आगलागीवाट ठुलो क्षती पुगेको प्रहरी नायव उपरिक्षक शान्तीराज कोइरालाले जानकारी दिए ।